Բրյուսելը փորձագիտական և տեխնիկական աջակցություն կտրամադրի՝ Հայաստանի և Ադրբեջանի սահմանների սահմանագծման և սահմանազատման հարցում․ եռակողմ հանդիպման արդյունքներով հայտարարություն է արել Եվրոպական խորհրդի նախագահը։
«Անհրաժեշտ է շուտափույթ լուծել հումանիտար հիմնական խնդիրները՝ գերիների և այլ պահվող անձանց ազատ արձակումը և անհայտ կորածների ճակատագրի պարզումը», – ասել է Շառլ Միշելը՝ շարունակելով՝ ԵՄ-ն կշարունակի աջակցել ականազերծման ջանքերին։
«Հայաստանի, Ադրբեջանի և ընդհանրապես Հարավային Կովկասի միջև հաղորդակցության վերականգնումը պետք է տեղի ունենա բոլոր երկրների ինքնիշխանության նկատմամբ լիակատար հարգանքով։ Որոշվել է սկսել երկաթուղային գծերի վերականգնումը. ԵՄ-ն պատրաստ է աջակցել հաղորդակցությունների բացմանը տնտեսական և ներդրումային ծրագրին համապատասխան»,- նշել է նա:
