Հինգշաբթի օրը Միացյալ Նահանգները հայտարարեց, որ աշխատում է Եվրոպայի հետ՝ ապահովելու ռուսական ակտիվների օգտագործումը Ուկրաինայի շահերի համար։ Այս մասին հայտարարել է Պետդեպարտամենտի պաշտոնական ներկայացուցիչ Մեթյու Միլլերը։
Չորեքշաբթի օրը ԵՄ-ն համաձայնել է օգտագործել բռնագրավված ռուսական ակտիվները Ուկրաինային զինելու և երկրի վերակառուցումը ֆինանսավորելու համար։
«Մենք շարունակում ենք աշխատել մեր եվրոպացի գործընկերների հետ՝ ապահովելու, որ սառեցված ակտիվներն օգտագործենք ի շահ Ուկրաինայի»,- ճեպազրույցում ասել է Միլլերը՝ պատասխանելով Turan-ի հարցերին։
Նա նաև հաստատել է, որ Վաշինգտոնը ծրագրում է Ուկրաինային ռազմական օգնության նոր փաթեթներ հատկացնել «առաջիկա շաբաթների ընթացքում»։
