Ադրբեջանը աջակցում է անկախ Պաղեստին պետության ստեղծմանը, որի մայրաքաղաքն է Արևելյան Երուսաղեմը։ Այս մասին այսօր ասել է նախագահ Իլհամ Ալիեւը։
«Ադրբեջանի դիրքորոշումը միանշանակ է՝ պետք է ստեղծվի Պաղեստինի անկախ պետություն, իսկ մայրաքաղաքը լինի Արևելյան Երուսաղեմը։ Այսօրվա ողբերգությունը Գազայում պետք է շուտով դադարեցվի, պատերազմը պետք է դադարեցվի, և բոլոր հարցերը պետք է լուծվեն բանակցությունների միջոցով», – ասել է Ալիևը Եգիպտոսի նախագահ Աբդել Ֆաթահ աս-Սիսիի հետ Կահիրեում բանակցությունների ավարտի վերաբերյալ այսօր մամլո հաղորդագրության մեջ։
Ալիևի խոսքով, Ադրբեջանը աջակցում է այդ ուղղությամբ ջանքերին, և Կահիրեի նախաձեռնությունները պետք է հաշվի առնվեն։
Իր հերթին, Ալ-Սիսին ասել է, որ երկու երկրների ղեկավարները «քննարկել են Եգիպտոսի ջանքերը Գազայում պաղեստինցիներին մարդասիրական օգնության ծավալն ավելացնելու ուղղությամբ և ընդգծել 1967 թվականի հունիսի 4-ի սահմաններում անկախ Պաղեստին պետության ստեղծման անհրաժեշտությունը»։
