Ադրբեջանի նախագահ Իլհամ Ալիևը շնորհավորական նամակ է հղել Իրանի նորընտիր նախագահ Մասուդ Փեզեշյանին։
Շնորհավորելով իրանցի գործընկերոջը նոր պաշտոնում ընտրվելու կապակցությամբ՝ պետության ղեկավարն ընդգծել է, որ մեծ նշանակություն է տալիս Ադրբեջանի և Իրանի միջև ամուր հիմքերի վրա հիմնված հարաբերություններին, ինչպիսիք են ընդհանուր կրոնական և մշակութային արմատները, բարեկամությունն ու եղբայրությունը։
«Այսօր փոխադարձ հարգանքի և բարիդրացիության վրա հիմնված Ադրբեջան-Իրան հարաբերությունների հետագա զարգացման ուղղությունների վերաբերյալ ձեռք բերված պայմանավորվածությունները, համատեղ իրականացվող նախագծերը ծառայում են մեր երկրների բարեկեցությանը, ողջ տարածաշրջանի կայուն զարգացմանն ու անվտանգությանը։
Վստահ եմ, որ մեր համատեղ ջանքերով մենք կհասնենք Ադրբեջանի և Իրանի միջև ավանդական բարեկամական հարաբերությունների հետագա ամրապնդմանը` հանուն մեր ժողովուրդների և երկրների շահերի, փոխշահավետ համագործակցության ընդլայնման»,- ասված է նամակում։
Պետության ղեկավարը Մասուդ Պեզեշյանին հրավիրել է այցելել Ադրբեջան՝ երկկողմ համագործակցության զարգացման հեռանկարների շուրջ մտքեր փոխանակելու նպատակով։
