Հուլիսի 17-ին «Ազել» հեռուստաընկերության ղեկավար Աֆգան Սադիգովին թույլ չեն տվել Թբիլիսիից Անկարա մեկնել։ Նրան պահել են սահմանային անձնագրային հսկողության տակ և վերադարձրել։ Այս մասին Turan գործակալությանը հայտնել է ինքը՝ Սադիգովը։
Սադիգովի խոսքով՝ իրեն ասել են, որ բացի Ադրբեջանից, այլ երկիր գնալ չի կարող։
«Չեն ասել, թե ով է երրորդ երկիր մուտքի արգելքը սահմանել։ Նրանք ինձ առաջարկեցին բացատրություն ստանալու համար դիմել Վրաստանի ՆԳՆ-ին»,- ասել է Սադիգովը։ Նա ենթադրում է, որ արգելքը բխում է Բաքվից։
«Խոսքը վերջին շրջանում իմ քննադատական գրառումների ու տեսանյութերի մասին է։ Ներկա պահին իմ դեմ քրեական գործ չկա, բայց գիտեմ, որ հենց վերադառնամ Ադրբեջան, ինձ էլ կձերբակալեն քննադատող մյուս լրագրողների նման։ Վրաստանում սպառնացել են ինձ ու Ադրբեջանում գտնվող իմ հարազատներին ու պահանջել, որ դադարեմ քննադատել։ Դրա համար մենք ցանկանում ենք լքել Վրաստանը»,- ասել է Սադիգովը։
Նա նշել է, որ 2023 թվականի դեկտեմբերի 24-ից բնակվում է Վրաստանում։ Սադիգովը բուժման նպատակով մեկնել է Վրաստան ու չի վերադարձել սպառնալիքների պատճառով։
*Աֆղան Սադիգովը ձերբակալվել է 2020 թվականի մայիսին շորթման մեղադրանքով և դատապարտվել 7 տարվա ազատազրկման։ Նա հերքում է մեղադրանքը։ Իրավապաշտպանները նրան ճանաչել են որպես քաղբանտարկյալ։ Նա ներում է շնորհվել 2023 թվականի մայիսին։
