Ստամբուլի համալսարանի դոկտորանտ, տնտեսագետ Ֆազիլ Գասիմովն արդեն 38-րդ օրն է, ինչ հացադուլ է անում Բաքվի մեկուսարանում։
Նա բողոքում է իր ապօրինի կալանավորման դեմ։
«Ֆազիլի վիճակը շատ ծանր է։ Չնայած նրան, որ տեղափոխել են կալանավայրի սանիտարա-բժշկական մաս, նա սնունդ և սննդային որևէ դեղամիջոց, բացի ջրից, չի ընդունում։ Նրա ձայնը հազիվ է դուրս գալիս»,- ասել է եղբայրը՝ Նազիմ Գասիմովը։
Իր հերթին փաստաբան Ռովշանա Ռահիմլին հայտնել է, որ Ֆազիլ Գասիմովի հետ կապված քրեական գործի նախաքննությունն ավարտվել է։ Քրեական գործը դատարան կուղարկվի այս շաբաթ։
*Ֆազիլ Գասիմովը ձերբակալվել է Թուրքիայում 2023 թվականի օգոստոսի 7-ին և բերվել Ադրբեջան։ Նրան մեղադրանք է առաջադրվել Քրեական օրենսգրքի 204.3.1 հոդվածով (կազմակերպված խմբի կազմում կեղծ փող պատրաստելը, գնելը կամ իրացնելը):
Հետաքննությունը հայտնում է, որ նա կեղծ գումարը տվել է ընդդիմադիր քաղաքական գործիչ Գուբադ Իբադօղլուին, ով ավելի ուշ ձերբակալվել է։
Օրերս Գասիմովը գլխավոր դատախազին, օմբուդսմենին, տեղական և միջազգային հանրությանը ուղղված իր ուղերձում ասել է, որ այդ հայտարարությունները տվել է խոշտանգումների տակ։ Նա հրաժարվեց ցուցմունք տալուց և ասաց, որ կեղծ փողեր չի տվել Իբադօղլուին, և որ իր հետ երբեք քննարկումներ չի ունեցել FETO-ի (Ֆեթուլլահ Գյուլենի շարժումը, որը հայտնի է որպես ահաբեկչական կազմակերպություն Թուրքիայում): Ֆազիլ Գասիմովը հունիսի 14-ից հացադուլ է հայտարարել՝ ի նշան բողոքի անհիմն քրեական հետապնդման և հետաքննության սկզբում իրեն ենթարկված խոշտանգումների։