Չորեքշաբթի ԱԳ նախարար Ջեյհուն Բայրամովն ընդունել է ԵԱՀԿ Ժողովրդավարական հաստատությունների և մարդու իրավունքների գրասենյակի ընտրությունների դիտորդական առաքելության ղեկավար Դիտմիր Բուշաթիին։
Հանդիպման ընթացքում քննարկվել են սեպտեմբերի 1-ին կայանալիք Միլլի Մեջլիսի արտահերթ ընտրությունների նախապատրաստման հարցերը և այդ ուղղությամբ միջազգային պարտավորությունները։
Նախարարը հայտարարեց, որ համակարգված և ինտենսիվ քայլեր են ձեռնարկվել առաջիկա ընտրությունների ազատ, արդար և թափանցիկ անցկացման, ինչպես նաև ընտրություններին միջազգային դիտորդների մասնակցության ուղղությամբ»,- ասված է ԱԳՆ հաղորդագրության մեջ։
Նրա խոսքով, ստեղծված են բոլոր պայմանները, որպեսզի ընտրություններն անցկացվեն միջազգային չափանիշներին համապատասխան բարձր մակարդակով։
Միաժամանակ նա կոչ է արել ԵԱՀԿ/ԺՀՄԻԳ առաքելությանը ցուցաբերել օբյեկտիվություն և անաչառություն ընտրությունների դիտարկման գործընթացում։
