Թուրքիայի զինված ուժերի հրամանատարությունը ժամանել է Ադրբեջան՝ մասնակցելու Ադրբեջանի պաշտպանության միջազգային 5-րդ ցուցահանդեսին (ADEX):
Պատվիրակության կազմում են պաշտպանության նախարար Յաշար Գյուլերը, Գլխավոր շտաբի պետ Մեթին Գուրակը, ռազմածովային ուժերի հրամանատար Էրչումանտ Թաթլըօղլուն, ցամաքային զորքերի հրամանատար Սելչուկ Բայրաքթարօղլուն և ռազմաօդային ուժերի հրամանատար Զիյա Ջամալ Քադըօղլուն։
Ադրբեջանի պաշտպանության նախարարության հաղորդագրության համաձայն, Բաքվում տեղի ունեցած հանդիպումներում նախատեսվում է քննարկել Ադրբեջանի և Թուրքիայի միջև ռազմական համագործակցության ընդլայնման հարցեր։