Չորեքշաբթի երեկոյան ահաբեկչություն է տեղի ունեցել թուրքական օդատիեզերական ընկերության շենքի դիմաց, որը արտադրում է մարտական անօդաչու թռչող սարքեր և մարտական ինքնաթիռներ։ Լրատվամիջոցների տեղեկություններով՝ Անկարայում հարձակման է ենթարկվել TUSAS ավիաշինական գործարանը։ «A Haber»-ը հայտնում է, որ հնչել են կրակոցներ ու պայթյուններ։
Ներքին գործերի նախարար Ալի Երլիկայան հաստատել է, որ Անկարայում ահաբեկչություն է տեղի ունեցել, կան վիրավորներ և զոհեր։
«Հաբեր7»-ը, հղում անելով դեպքի ականատեսներին, գրում է, որ TUSAS-ի շենքի վրա կամիկաձե է հարձակվել։ Հեռուստաալիքը հրապարակել է կադրեր, որոնցում երևում է, որ պայթյունի վայրից մեկհարկանի շենքը լուրջ վնաս է հասցվել։
«Սաբահը» հեռարձակել է նաեւ «ահաբեկիչներից մեկի» պատկերները։ Պատկերներում դա մի մարդ է, որը վազում է ավտոմատը ձեռքին։
