Նոյեմբերի 18-ին Բաքվում COP29-ի շրջանակներում մամուլի ասուլիս է հրավիրել կլիմայի հարցերով եվրահանձնակատար Վոպկե Հուկստրան։
«Թուրան» գործակալությունը նրան տվել է հետևյալ հարցը. Ինչպե՞ս կարող է ԵՄ-ն օգնել Ադրբեջանից Եվրոպա կանաչ էներգիայի փոխադրման նախագծերի իրականացմանը:
Հարցին պատասխանեց Հունգարիայի էներգետիկ հարցերի և կլիմայական քաղաքականության գծով պետքարտուղար Աթիլա Շտայները, ով մասնակցում էր ասուլիսին և ներկայումս նախագահում է Եվրամիության խորհուրդը.
Կարծում եմ՝ կան բազմաթիվ նախաձեռնություններ, քանի որ այս տարածաշրջանը գնահատվում է որպես Եվրոպայի էներգիայի մատակարարման դիվերսիֆիկացման տարբերակ: ԵՄ մի շարք անդամներ, ինչպես նաև Եվրահանձնաժողովը ընդունում են դա։ Հասկանալի է, որ Կանաչ էներգետիկ միջանցքը հենց այդպիսի նախաձեռնություն է»,- ասաց նա։
«Կարծում եմ, որ ԵՄ-ի համար ավելի լավ կլինի ներմուծել էներգիա, հատկապես մաքուր էներգիա, դիվերսիֆիկացնել իր մատակարարումները: Ուստի այս նախագիծը հստակորեն համապատասխանում է մեր ռազմավարական նպատակներին»,- ընդգծեց նա։
