Նոյեմբերի 20-ին Բաքվի Խաթայի շրջանային դատարանը բավարարել է հետաքննության իրավապաշտպան Անար Մամեդլիի ներկայացումը նախնական ազատազրկման ժամկետի երկարաձգման վերաբերյալ, հայտնել է նրա փաստաբան Էլչին Սադիգովը։
Միաժամանակ Խաթայի շրջանային դատարանում կայացած մեկ այլ նիստում Մամեդլիին տնային կալանքի տեղափոխելու մասին պաշտպանական կողմի միջնորդությունը չի բավարարվել։
Փաստաբանը երկու որոշումներն էլ անվանել է «քաղաքական որոշումներ»։
Պաշտպանական կողմը կարծում է, որ Մամեդլիի դեմ հարուցված գործը վրեժ է նրա իրավապաշտպան գործունեության համար։
«Ոչ մի ապացույց չկա, որ Անար Մամեդլին ինչ-որ հանցագործություն է կատարել։ Ձեռնարկվում են ապացույցներ կեղծելու փորձ։ Դատարանի երկու որոշումներից էլ դժգոհ ենք, վերաքննիչ բողոք կներկայացնենք»,- ասաց փաստաբանը։
Նա նաեւ նշել է, որ Մամեդլիի առողջական խնդիրները գնալով վատանում են։
«Անարը չի հետազոտվում ու չի բուժվում։ Մեզ ասացին, որ նա թեստեր է անցել, սակայն այսօր նա հերքեց այս տեղեկությունը։
Մենք այս առնչությամբ դիմել ենք դատարան, սակայն դատարանը չի բավարարել մեր միջնորդությունը։ Այս որոշման դեմ բողոք կներկայացվի»,- ասել է Սադիգովը։
Նորվեգիայի իրավապաշտպանները և արևմտյան մի շարք դեսպանատների ներկայացուցիչներ ցանկացել են մասնակցել այսօրվա դատավարությանը, սակայն նրանց թույլ չեն տվել։
* Անար Մամեդլին բերման է ենթարկվել ապրիլի 29-ին, իսկ ապրիլի 30-ին նրան մեղադրանք է առաջադրվել Քրեական օրենսգրքի 206.3.2 հոդվածով (մաքսանենգություն, երբ այն կատարվել է մի խումբ անձանց կողմից, որոնք նախապես դավադրություն են կազմակերպել):
Մի շարք միջազգային կազմակերպություններ, ինչպես նաև ԱՄՆ պետքարտուղարությունը կոչ են արել Ադրբեջանի կառավարությանը անհապաղ ազատ արձակել Մամեդլինին և մյուս ձերբակալվածներին։
Անար Մամեդլին ընտրական իրավունքների ոլորտում գործող հասարակական կազմակերպության ղեկավար է և ընտրությունների վերաբերյալ քննադատական զեկույցների հեղինակ։
