Կիևում զինված մի տղամարդ ներխուժել է Ուկրաինայի կառավարության շենք ու սպառնացել նռնակ պայթեցնել։
Տեղական լրատվամիջոցների տեսանյութերում երևում է՝ ինչպես է այդ անձը մուտքում կանգնած սպառնում, թե շենքից ողջ դուրս չի գա, և պահանջում է մարդկանց տարհանել։ Ոստիկանությանը հատուկ գործողության արդյունքում հաջողվել է նրան վնասազերծել։
Ըստ պաշտոնական հաղորդագրության՝ նռնակը մարտական է եղել, տղամարդը նախկինում մասնակցել է Դոնբասի մարտերին։ Թե ինչ նպատակով էր կառավարական շենք մտել, չի հաղորդվում։
