ԱՄՆ դատապարտել է Զապորոժիեի և Խերսոնի բնակիչներին պարզեցված ընթացակարգով ՌԴ քաղաքացիություն տրամադրելու Պուտինի որոշումը

ԱՄՆ Պետդեպարտամենտը դատապարտել է Ռուսաստանի գործողությունները Ուկրաինայի տարածքում։

Նախագահ Վլադիմիր Պուտինը մայիսի 25-ին հրամանագիր է ստորագրել Ուկրաինայի Զապորոժիեի և Խերսոնի շրջանների բնակիչներին Ռուսաստանի քաղաքացիություն տրամադրելու պարզեցված ընթացակարգի մասին։

ԱՄՆ պետքարտուղարության խոսնակ Նեդ Փրայսը հայտարարել է, որ ԱՄՆ-ը «խստորեն դատապարտում է Ռուսաստանի այս թեթև քողարկված քայլը, որը հանդիսանում է Ուկրաինայի ժողովրդին հնազանդեցնելու, իր կամքը ուժով պարտադրելու փորձերի մի մասը»։