Ադրբեջանի եւ Հայաստանի միջեւ արդեն փաստացի խաղաղություն է, իսկ երկու երկրների սահմանին արդեն մի քանի ամիս է, ինչ խաղաղ պայմաններ են տիրում։ Բայց այս գործընթացը տրամաբանական ավարտին հասցնելու համար պետք է կնքվի հաշտության պայմանագիր և վերջ դրվի Հայաստանի տարածքային պահանջներին Ադրբեջանի դեմ։ Այդ մասին հինգշաբթի օրը հայտարարել է երկրի ղեկավար Իլհամ Ալիևը՝ ընդունելով Միջխորհրդարանական միության գլխավոր քարտուղար Մարտին Չունգոնգին։
«Հայաստանի անկախության հռչակագիրը ուղղակի կոչեր է պարունակում Ադրբեջանի Ղարաբաղի տարածաշրջանը Հայաստանի հետ միավորելու և Ադրբեջանի տարածքային ամբողջականության խախտման վերաբերյալ, և այդ փաստաթղթին հղումներն արտացոլված են նաև Հայաստանի Սահմանադրության մեջ»,- ասել է Ալիևը։
Նաև Հայաստանի այլ նորմատիվ իրավական փաստաթղթերը տարածքային պահանջներ ունեն Ադրբեջանի նկատմամբ։
«Խաղաղության կարելի է հասնել, եթե այդ պահանջներին վերջ տրվի, և փոփոխություններ կատարվեն Հայաստանի Սահմանադրության և այլ նորմատիվ-իրավական փաստաթղթերում», – ասել է Ալիևը։ Նա դրական քայլ է գնահատել Հայաստանում այս հարցի շուրջ ներքաղաքական քննարկումների նախաձեռնումը և ասել, որ դա կարող է լավ հնարավորություն ստեղծել, որպեսզի խաղաղ գործընթացը շուտով ավարտվի։