Ավարտվել են Փաշինյան-Պուտին-Ալիև բանակցությունները

Հայաստանի, Ադրբեջանի և Ռուսաստանի ղեկավարների բանակցություններն ավարտվել են, հանդիպումը տևել է երեք ժամ, հաղորդել է Կրեմլի խոսնակը։

Որոշ ռուսական լրատվամիջոցներ, հղում անելով Պեսկովին, նշում են, թե երեք առաջնորդները նաև հայտարարության տեքստ են համաձայնեցրել, որը կհրապարակվի շուտով։

Ռուսաստանի նախագահ Վլադիմիր Պուտինն այժմ առանձին հանդիպում է անցկացնում Հայաստանի վարչապետ Նիկոլ Փաշինյանի հետ, հաղորդել է Պուտինի խոսնակը։

Ավելի վաղ Պուտինը առանձին՝ երկկողմ բանակցություններ էր վարել նաև Ադրբեջանի նախագահ Իլհամ Ալիւի հետ։